ភ្នំពេញ៖ តម្លៃប្រេងសាំងនឹងបន្តចុះថ្លៃបន្ថែមទៀត ដោយសាំងធម្មតាបន្តចុះនៅត្រឹម ៤ ២៥០រៀល ក្នុងមួយលីត្រ ពោលចុះថ្លៃចំនួន ១០០រៀល ខណៈប្រេងម៉ាស៊ូតក៏បន្តចុះថ្លៃមកត្រឹម ៤ ៧០០រៀលក្នុងមួយលីត្រផងដែរ ពោលចុះថ្លៃ ១៥០រៀលក្នុងមួយលីត្រ។
តម្លៃប្រេងសាំងដែលចុះថ្លៃនេះ នឹងមានរយៈពេល ១០ថ្ងៃ ពោលចាប់ពីថ្ងៃទី០១ ដល់ថ្ងៃទី១០ ខែតុលា ឆ្នាំ២០២២។ បើធៀបនឹងតម្លៃប្រេងសាំងកាលពី១០ថ្ងៃកន្លងមក គឺមានតម្លៃ ៤ ៣៥០រៀលក្នុងមួយលីត្រសម្រាប់សាំង ហើយប្រេងម៉ាស៊ូតមានតម្លៃ ៤ ៨៥០រៀលក្នុងមួយលីត្រ។
បើតាមសេចក្តីប្រកាសរបស់ក្រសួងពាណិជ្ជកម្មនាព្រឹកថ្ងៃទី០៣ ខែតុលា ឆ្នាំ២០២២ ក្រសួងអំពាវនាវដល់គ្រប់ស្ថានីយលក់រាយប្រេងឥន្ធនៈអនុវត្តតាមការកំណត់តម្លៃប្រេងសាំងនេះ៕
